Le codesc socrët pó gní recuperé chiló.

Se registré y fá n inserat te 3 vari:
1) Dé dant na misciun mail y n codesc socrët (inventé da te)
2) Ciaré do tles mail (eventualmënter ince spam o junk) y confermé le link che é gnü mené
3) Fá l'azéss cun i dac dá dant y fá l'inserat

Vignun pó fá n inserat. Anfat sce privat o publich, sce con codesc fiscal o con "partita IVA".
La plata inserat.it é daverta a vigni fascia de eté, categoria economica o soziala. #insert-it

Vignun che publichëia inserac, pó ince si gestí.
Tö pós cherié l'inserat, mëter lapró fotografies, le elaboré, le mëter en palsa o le tó demez canche al ne vá nia plü debojëgn.
Al é ince la poscibilité da publiché l'inserat sön la plata todëscia. Chiló bastel fá la traduziun tla lerch dada dant.

Denanche l'inserat vëgni metü online, vëgnel verifiché le contignü y les fotografies da pert di aministradús. Sce le contignü y les fotografies vá bun, gnarál publiché (anter 24h).
Sce en utilisadú fej plü inserac che vá atira bun, arjunjel en status plü alt, che ti dá la poscibilité che sü inserac vai online al momënt.

Pro n inserat él la poscibilité da ciarié sö alplü 4 fotografies. L'utënt che ciaria sö na fotografia, mëss ester bun da desmostré de ester en posses di dërc d'autur. Scenó mëssel gní indiché la fontana d'informaziun. 

N abonamënt é en meso por ester tres ajorná sön les novités dles categories interesciades. Por s'aboné, val debujëgn da fá la registraziun.
Sot a "mi inserac" y spo "abonamënt nü" él la poscibilité da chirí fora a ci categoria y a ti temesc che an o s'aboné.
Al momënt che al sará na mudaziun pro chisc temesc, gnarál mené na mail al aboné por ti lascé alsavëi la novité.
N abonamënt pó gní mudé y tut demez te vigni mumënt. 

Por idees y/o propostes de mioramënt dla plataforma, che pó gní menades a info@inserat.it, rengraziunse bele danfora.

Sön la plata n’él nia conzedü pratiché ativité comerziala, p.ej. na botëga o firma ne pó nia vëne sü produc al detai o pité sü sorvisc a paiamënt.